შპს „მიკროსაფინანსო ორგანიზაცია ლენდაფ“ მუდმივად ზრუნავს მომხმარებელთა ინტერესებზე და მომსახურების გაუმჯობესებაზე, რისთვისაც კომპანიას აქვს მჭიდრო კომუნიკაცია საკუთარ მომხმარებლებთან. მომხმარებლებს შეუძლიათ გამოხატონ, პრეტენზიის სახით, უკმაყოფილება, დაუთანხმებლობა, საჩივარი კომპანიის ან/და მისი ნებისმიერი პროდუქტის მიმართ.
მომხმარებლის პრეტენზიას განიხილავს შპს „მიკროსაფინანსო ორგანიზაცია ლენდაფ“-ის მომხმარებელთა უფლებების დეპარტამენტი.
მომხმარებელს შეუძლია საკუთარი პრეტენზია დააფიქსიროს ზეპირად, სტანდარტული/თავისუფალი წერილობითი, ან ელექტრონული ფორმით შემდეგი საკომუნიკაციო არხების საშუალებით:
- ფილიალების მეშვეობით
- სატელეფონო კავშირით, ნომერზე: (032) 2 500 005
- ელ. ფოსტის მისამართზე: info@lendup.ge
- საფოსტო/საკურიერო კავშირით შემდეგ მისამართზე - თბილისი, დავით აღმაშენებლის ხეივანი N240
- კომპანიის ოფიციალურ ვებ-გვერდზე ელექტრონული განაცხადის შევსებით www.lendup.ge (ელექტრონული განაცხადის ფორმა იხილეთ ქვემოთ)
წერილობით ან ელექტრონული ფორმით დაფიქსირებული პრეტენზიის განხილვის ვადაა პრეტენზიის მიღებიდან 1 თვე.
მომხმარებელს პრეტენზიის მიღება და განხილვის ვადა ეცნობება პრეტენზიის მიღებისთანავე იმავე ფორმით, რა ფორმითაც მომხმარებელი განაცხადებს პრეტენზიას.
მომხმარებლისთვის მომზადებული პასუხის გაგზავნა ხდება მომხმარებლის მიერ პრეტენზიაში მითითებული ფორმით.
შპს „მიკროსაფინანსო ორგანიზაცია ლენდაფ“-ი მომხმარებელს 1 თვის ვადაში აცნობებს საკითხის შესწავლის შედეგებს და სადაც შესაძლებელია, შესთავაზებს საკითხის გადაწყვეტის გზებს.
შპს „მიკროსაფინანსო ორგანიზაცია ლენდაფ“-ში შემოსული ყველა პრეტენზია მნიშვნელოვანია. ამდენად კომპანია ყურადღებით ეკიდება მომხმარებელთა მხრიდან შემოსულ პრეტენზიას თუ წინადადებას. თუმცა, შპს „მიკროსაფინანსო ორგანიზაცია ლენდაფ“-ი იტოვებს უფლებას არ განიხილოს მომხმარებელთა შემდეგი სახის პრეტენზიები:
- მომხმარებლის პრეტენზია, რომელიც ეხება კომპანიის უარს პროდუქტის მიწოდებაზე, გარდა იმ შემთხვევებისა, როცა კომპანიას ეკისრება აღნიშნული ფინანსური პროდუქტის მიწოდების ვალდებულება
- მომხმარებლის პრეტენზია, რომელიც უკვე განხილულია კომპანიის მიერ და ადგილი არ აქვს დამატებით მნიშვნელოვან ფაქტებსა და გარემოებებს აღნიშნულ საკითხთან დაკავშირებით.
- მომხმარებლის პრეტენზია, რომლის მიზეზსაც წარმოადგენს შეფერხებები ან უარი მომსახურების გაწევაზე, რომლებიც განპირობებულია მოქმედი კანონმდებლობის მოთხოვნებით.
პრეტენზიის განხილვის მიმდინარეობასთან და პროცედურასთან დაკავშირებით დამატებითი ინფორმაცია შეგიძლია მიიღოთ შემდეგ ნომერზე - (032) 2 500 005
გაეცანით მომხმარებელთათვის სასარგებლო ინფორმაციას საქართველოს ეროვნული ბანკის ვებგვერდსა (http://nbg.gov.ge/cp) და ცხელ ხაზზე (032 2 406 406)